საქართველოს საპატრიარქოს წმინდა ამბროსი ხელაიას სახელობის ზოგადსაგანმანათლებლო სკოლა აღსაზრდელებს  სთავაზობს თანამედროვე მოთხოვნების შესაბამისად აღჭურვილ უსაფრთხო, პოზიტიურ გარემოს, ჯანსაღი სულიერი განვითარების შესაძლებლობებს. ეროვნული, ქრისტიანული და ზოგადსაკაცობრიო ფასეულობების ზიარებას, რაც მიიღწევა მაღალი კვალიფიკაციის მქონე პედაგოგიური მომსახურებითა და თანამშრომელთა პირადი მაგალითით, მოძღვართან ურთიერთობით, სასწავლო პროგრამებითა და ღონისძიებებით,  მოსწავლის ოჯახთან  თანამშრომლობით, რათა სკოლის კურსდამთავრებულებმა მიღებული ცოდნა და აღზრდა გამოიყენონ წარმატებული ცხოვრებისა და საერთაშორისო ურთიერთობებში ქვეყნის ინტერესების საკეთილდღეოდ.

წმინდა ამბროსი ხელაიას სახელობის ზოგადსაგანმანათლებლო სკოლის ხედვა ხარისხზე ორიენტირებული სკოლის შექმნაა, სადაც ჩამოყალიბებული იქნება კარგად ორგანიზებული მწყობრი სისტემა, რომელშიც ჰარმონიულ ურთიერთობაში დამკვიდრდება ამ სისტემის ელემენტები: მისია, სტანდარტები, შეფასება, ანგარიშვალდებულება, შესაბამისობა,  კულტურა, თანამშრომლობა და მუდმივი გაუმჯობესება. ყველა ამ კომპონენტის გაცნობიერება და ამოქმედება აუცილებელი პირობაა მოსწავლეთა მაღალი მიღწევებისათვის, მასწავლებელთა  პროფესიული ზრდისა და სასწავლებლის სამომავლოდ განვითარებისათვის.

• ქრისტიანული ღირებულებების აღიარება და პატივისცემა;
• ადამიანი, ოჯახის და საზოგადოების პატივისცემა;
• უფროს-უმცროსობის კეთილდამოკიდებულება;
• უსაფრთხო, ჯანსაღი და პოზიტიური გარემოს შექმნა;
• მოსწავლეთა საჭიროებაზე მორგებული საგნობრივი პროგრამების შემუშავება;
• კეთილგონივრული არაფრომალური განათლების განვითარება;
• პიროვნულ განვითარებაზე და ურთიერთპატივისცემაზე დამკვიდრებული სასკოლო სივრცის შექმნა;